86۔ سورۃ الطارق

اللہ کے  نام سے  شروع جو نہایت مہربان رحم والا

(1) آسمان  کی  قسم  اور رات  کے  آنے   والے   کی،

(2) اور  کچھ  تم نے  جا نا  وہ رات  کو  آنے   والا  کیا  ہے  ،

(3) خوب  چمکتا  تارا  ،

(4) کوئی  جان  نہیں  جس پر نگہبان  نہ  ہو 

(5)  تو چاہئے   کہ  آدمی  غور  کرے   کہ  کس  چیز  سے   بنا یا  گیا  

(6)  جَست  کرتے   ( اچھلتے  ہوئے   )  پانی سے   ،

(7) جو نکلتا  ہے   پیٹھ  اور  سینوں  کے   بیچ  سے   

(8)  بے   شک  اللہ  اس  کے   واپس  کرنے   پر قادر  ہے

(9)  جس دن چھپی باتوں کی جانچ ہو گی 

(10) تو آدمی کے  پاس نہ کچھ زور ہو گا  نہ کوئی مددگار 

(11) آسمان کی قسم! جس سے  مینھ اترتا ہے   

(12) اور زمین کی جو اس سے  کھلتی ہے  

(13) بیشک قرآن ضرور فیصلہ کی بات ہے  

(14) اور کوئی ہنسی کی بات نہیں  

(15) بیشک کافر اپنا سا داؤ چلتے  ہیں

(16) اور میں اپنی خفیہ تدبیر فرماتا ہوں  

(17) تو تم کافروں کو ڈھیل دو  انہیں کچھ تھوڑی مہلت دو