104۔ سورۃ ہمزہ

اللہ کے  نام سے  شروع جو نہایت مہربان رحم والا

(1) خرابی ہے  اس کے  لیے  جو لوگوں کے   منہ پر عیب کرے  پیٹھ پیچھے  بدی کرے  

(2) جس نے  مال جوڑا  اور گن گن کر رکھا،

(3) کیا یہ سمجھتا ہے  کہ اس کا مال اسے  دنیا میں ہمیشہ رکھے  گا

(4) ہر گز نہیں ضرور وہ روندنے  وا لی میں پھینکا جائے  گا

(5) اور تو نے  کیا جانا کیا روندنے  وا لی،

(6) اللہ کی آگ کہ بھڑک رہی ہے   

(7) وہ جو دلوں پر چڑھ جائے  گی

(8) بیشک وہ ان پر بند کر دی جائے  گی

(9) لمبے  لمبے  ستونوں میں